اسلام آباد: ذرائع کا کہنا ہے کہ پاکستان تحریک انصاف کے رہنما شہباز گل کے علاج کے لیے پاکستان انسٹی ٹیوٹ آف میڈیکل سائنسز (پمز) کا چار رکنی میڈیکل بورڈ تشکیل دیا جائے گا۔
ذرائع کے مطابق چار رکنی بورڈ میں میڈیسن، جنرل سرجری، پلمونولوجی اور میڈیکل آئی سی یو کے شعبوں کے ماہرین کو شامل کیا جائے گا۔ ایسوسی ایٹ پروفیسر میڈیسن شفاعت رسول میڈیکل بورڈ کے سربراہ ہوں گے جبکہ جنرل سرجن عاطف انعام شامی، پلمونولوجسٹ ڈاکٹر ضیاء اور میڈیکل آئی سی یو کے اسسٹنٹ پروفیسر ڈاکٹر سلمان کو بورڈ میں شامل کیا گیا ہے۔
یہ بھی پڑھیں: شہباز گل کا پمز میں پھیپھڑوں کا ٹیسٹ کرایا جائے گا۔
بورڈ پی ٹی آئی رہنما کا علاج کرے گا اور ان کی صحت کی رپورٹ پیش کرے گا۔ اس کے بعد رپورٹ عدالت میں پیش کی جائے گی۔ پی ٹی آئی رہنما شہباز گل کے علاج کے لیے پہلے چار رکنی بورڈ اور چھ رکنی بورڈ تشکیل دیا گیا تھا۔
تبصرے